simu_bittu

youtu.be/Wdvw1fqElFc

future doctor with poetry running in my veins Tu karm kiye jaa, fal ki chinta naa kar Insta ID - simu_bittu 26 Dec

Grid View
List View
Reposts
  • simu_bittu 6w

    Yaad aati ho

    Aankhe moond lu to khayaal tumhara
    Aankhe khol du to najar tum aati ho
    Tum hi ho jo har pal mujhe
    Mujhse nayi tarah milaati ho

    Shabdo se na sahi magar
    Mann se pyaar jataati ho
    Prem rang me range huye
    Dosti ke geet gaati ho

    Duniya se haar jaau main jab
    To mere dil ko himmat dilaati ho
    Mere har sukh dukh me na jaane kaise
    Tum itna ghul mil jaati ho

    Kitni taaqatwar ho tum
    Jo mere darr ko akele haraati ho
    Jo saahas main dhundh na paau
    Tum mujhko wo aasaani se dilaati ho

    Kabhi na kiya hoga kisine
    Utna pyaar mujhe de jaati ho
    Bhul jaati hu saare gam apne
    Tum itna mujhe hasaati ho

    Mere din ka har lamha
    Apne pyaar se bhar jaati ho
    Chah kar bhi chupa na paau
    Tum mujhe kitni yaad aati ho
    ©simu_bittu

  • simu_bittu 23w

    Tum aur Baarish

    Hawaao ki lehere chalne lagi
    Unme alag si kuch baat thi
    Mehsoos karne lagi jab unhe
    Unme mehek rahi tumhari yaad thi

    Yaado ka silsila chala kuch aisa
    Saaf aasmaan me badal chhaaye
    Dekhte hi dekhte najaara dhundhla huaa
    Tumhare saath bitaaye pal najro me aaye

    Aasmaan sajj tha iin yaado ko barsaane
    Dil ki deeware bhi kamzor hone lage
    Jamin pe boonde barasne lagi aur
    Iin aankho ke kaath behne lage

    Baarish keh rahi thi ambar ko
    Mil hi gaye, lambe intazaar ke baad
    Ye sunke dil tham sa gaya
    Mehsus hua jab hamari bhi nahi huyi mulaakat

    Milna hai kabse magar
    Kismat saath na de rahi
    Rukna hoga shayad hume bhi
    Uus barsaat jaise baras kahi

    Par ek din aayega jarur
    Jab baarish bhi hogi, aankhe bhi bahengi
    Par tab dooriya ya tanhaai na hogi bilkul
    Hamara milan hi Baarish ki vajah banengi
    ©simu_bittu

  • simu_bittu 32w

    Khafa

    Khafa tu mujhse hona nahi
    Majaak majaak me bhi kabhi
    Jara soch to lo kyaa hoga agar
    Iis deh me dil dhadka hi nahi

    Sab bejaan sa ho jaayega
    Chaaro taraf andhera hoga
    Bina baarish ki banjar zamin
    Jaisa hi kuch haal mera hoga

    Chehre se mere kahi
    Muskaan bhi kho jaayegi
    Tum roothi ho iis baat se hi
    Aankhe nam ho jaayengi

    Isiliye e dost, ek duaa hai meri
    Tu daatna, ladhna, jhagadna
    Teri har baat seh lungi main haske
    Tu bass, kabhi khafa na mujhse hona
    ©simu_bittu

  • simu_bittu 57w

    Main...

    Main hamesha se thi
    Tum me hi kahi basi
    Jaise chehra ho tum
    Aur main tumhari hasi
    Dekhne bhar se tumhe
    Khush hota hai ye dil mera
    Sunte hi naam tumhara
    Khilta hai ye din mera
    ©simu_bittu

  • simu_bittu 69w

    Tumhari aankho ki chupi nami

    Tumhari aankho ki chupi nami ko kaise na dekhu
    Dil ka mere hissa jo ho tum
    Aakhe bhigne kaise du tumhari
    Meri dost,  meri jaan jo ho tum
    Jude hai na dil se hum sadaa se
    Tum royi to ye dil bhi rota hai
    Tumhare aasu jab jab girte hai zamin  par yaara
    Mere zindagi ka ek ek pal kam hota hai
    ©simu_bittu

  • simu_bittu 71w

    Happy friendship's day

    Zindagi ke safar me
    Alag thi hamari raahe
    Dosti na huyi kamzor
    Sada khuli rahi ye baahe

    Har baar tum sakhi
    Mera dukh har leti ho
    Khud dukh sehkar saare
    Mujhe khushiyo se bhar deti ho

    Jab jab mile hai hum
    Harsh se dil bhar jaata hai
    Har din, har pal mujhe
    Tumhara khayaal satata hai

    To kya huaa jo
    Aaj, abhi hum saath nahi
    Dil se jude hai kuch aise
    Doori se maayus hone ki baat nahi

    Dil me yuhi sambhaale rakhna
    Dosti hamari kan kan me
    Main bhi jee liya karungi
    Hamare bitaaye gaye har kshan me
    ©simu_bittu

  • simu_bittu 71w

    Deewani....

    Deewani tumhare pyaar ki
    Main kal bhi thi, aaj bhi hu
    Tumhare intajaar me
    Main kal bhi thi, aaj bhi hu
    Ab aa bhi jaao na tum
    Yu naa mujhe sataao
    Aur kitna intajaar karu
    Tum hi mujhe bataao
    Aao jaldi tum mere liye
    Kardo ye kahani poori
    Janam janam ke saathi bane
    Hamesha ke liye mitaa de doori
    ©simu_bittu

  • simu_bittu 72w

    Pehli Najar

    Pehli najar milte hi wo
    Aankho se rooh me utar jaaye
    Mera kuch bhi na rahe
    Wo rom rom me bhar jaaye

    Muskaaye wo halka sa
    Main phir dil haar jaau
    Har waqt main to bass
    Tumhaare hi nagme gaau

    Door ho jaau sabse
    Ek Tera rishta sang ho
    Chadhe na aur koi
    Bass ek Tera rang ho

    Parivaar bhi ab mujhe
    Lagta hai paraaya
    Saath tumhara jo mila hai
    Mila iis tan ko hai saaya
    ©simu_bittu

  • simu_bittu 72w

    Aankhe band karlu

    Aankhe band karlu main
    To tumhara deedaar ho jaaye
    Tumhari pyaari si muskaan
    Mere dil ke paar ho jaaye
    Aankho se rooh me utarte ho kuch aise
    Tum se hi mera ye sansaar ho jaaye
    ©simu_bittu

  • simu_bittu 73w

    Pehchan me nahi aati main

    Pehchaan me nahi aati main
    Aksar pehli mulaakaat me
    Samajhna hoga tumhe mujhe
    Baato hi baat me
    Pehchaan badhegi hamari
    Dheere dheere khulengi kali
    Rishta banega hamara tab
    Roshandaar hogi dil ki gali
    ©simu_bittu