Grid View
List View
Reposts
  • rameez 35w

    Un ki cheekh u pukaar mujhe kyun sunayi nahi deti
    Qayamat ki tasveer hai Palastine, mujhe kyun dikhayi nahi deti

    @in_shaa @sayim_kashmiri @khalid_writes @urwahh @khanjaseera

    Read More

    My Palestinian heart

    Dil behis mera or imaan mar gaya hai shayad
    Mai bekhabar hun or Palastine jal gaya hai shayad

    Mai vote ka saudagar, mujh ko insaniyat se kya kaam
    Mera zameer, zameer nahi, mai ameer e saudi ban gaya hun shayad

    Zulm Kashmir pe hua ya shaam pe, mai ne bas tamasha dekha
    Naam se musalman hun lekin, amaal se kafir ho gaya hun shayad

    Jaabir ko galle lagaya mai ne, mazloom se haal e dil b na pucha
    Girja gharun ki taameer kar k, mai ek pujari ban gaya hun shayad

    Meri namaz ab namaz nahi, roze faqa_kashi se badh kar kuch nahi
    Masjid k taqadus ka khayal nahi, Kaaba bas ek imarat reh gaya hai shayad

    Mere Palastini dil k daag dekho, Afghani rooh k zakham to bhar lo
    Shaam saans to le raha hai lekin Kashmiri jism mar gaya hai shayad

    Baatil ne jabr kar k haq ko loota, kisi ne awaaz tak na uthayi
    Aalam e Islaam bekhabar hai ab tak, Ummat e muslimah neend mai hai shayad

    Aankhun pe parda or dil pe kufur ki muhar pad gayi hai mere
    Haq ki pehchaan bhool k Rameez, mai khud baatil ho gaya hun shayad

    ©rameez

  • rameez 53w

    Kabhi arsh par kabhi farsh par
    Kabhi un k ghar kabhi darbadar
    Ghum e Aashqi tera shukriya
    Mai kahan kahan se guzar gaya

    ( Parveen Shakir )

    @in_shaa @bariya_hamid @barixa @mannatmir @seeratqureshi

    Read More

    Tujhe jab jab dekhta hun to, mai apne deen u imaan ka sauda kar leta hun
    Ek pal basata hun khuda ko dil mai, dusre pal tujhe apna khuda bana leta hun

    ©rameez

  • rameez 64w

    Hum se taaluk kamzor pad gaya hai ya
    Kahin or silsiley mazboot ho gaye hain

    ( unknown)
    @khanjaseera @urwahh @bariya_hamid @twinkling_girl @barixa

    Read More

    Mohabbat qayamat jaisi kar li mai ne
    Mohabbat qayamat jaisi guzri mujh pe

    ©rameez

  • rameez 81w

    @sayim_m @khanjaseera @urwahh @qudsiaferoz @wanihadii

    Zulm ki ek bayanak tasveer dekho
    Aao logo zara mera Kashmir dekho

    Khilte phool yahan kuchle jate hai
    Har bure khwaab ki taabeer dekho

    Veeraani hai shehar e lahu luhaan mai
    Sab ki hai yahan roti hui taqdeer dekho

    Sab kuch ho k b haath khali hain yahan
    Jannat k hum hain barbaad ameer dekho

    Kaun aa k marham kare zakhmu ka
    Mere har ang mai hain zulm k teer dekho

    Mere kuch apnu ne kiya mera ye haal hai
    Wo ban baithe hain baatil k aseer dekho

    Kis ko masoom samjun, barosa kis pe karun
    Mureed dagabaaz, lootere hain peer dekho

    Kis meharbaan ko ja k apni dastaan sunaye
    Yahan har kisi ka hai soya hua zameer dekho

    Waqt k yazeed ki hai hukumat yahan Rameez
    Jannat ko keh raha hai apni jageer dekho

    #rameez

    Read More

    Zulm

  • rameez 83w

    Mohabbat mai khasara utha k
    Mai ne jaan de k karza utara hai

    ©rameez

  • rameez 83w

    Apni wafa ko tere siwa sab pe haraam kar k
    Ja, teri bewafayi ko mai halal karta hun

    ©rameez

  • rameez 84w

    Wafa ko mujh pe farz kar k
    Us ne namaz e ishq qaza ki hai

    ©rameez

  • rameez 84w

    Mai ne mohabbat k beej bo k
    Hijr ki fasal kaati hai Rameez

    ©rameez

  • rameez 84w

    KASHMIR

    " Jannat jis ko aaj b farishtun ka intizaar hai"


    Still disturbed because of the Pampore incident... don't know where as a nation we stand right now ... Ek tarah hum naara dete hain " yahan kya chale ga " or dusri taraf hum 3 saal ki bachi ka rape karte hain ... Ek taraf hum Shahadat ko apni manzil samajte hain or dusri taraf badkaari ko apna raasta bana liya hai... Ek taraf hum Kashmiriyat pe naaz karte hain or dusri taraf insaniyat ko qatal kar dete hain... Ek taraf hum apne deen daar hone ka dawa karte hain or dusri tarah drugs ne hamari qoam ko khokhla kar diya hai... kehne ko to or b bohot kuch hai magar baat ab kehne sunne se bohot aage nikal aayi hai...
    Ab waqt aa gaya hai ki hamari qoam apne girebaan mai jhaank k dekhe or apne aeb chupane k bajai, un pe parda poshi karne k bajai, un pe kaam kare or har bigdi cheez ko durust karne ki koshish kare... Ye kaam koi ek shakhs akela nahi kar sakta, is k liye hum sab ko aage aana pade ga or sath mil k kaam karna hoga... apni qoam ki islah k liye hum ne ye firqa parasti ya dusri kisi b qism ki dooriyun ko bhula ka ek sath aana hoga... Hum ne ye saabit karna hai ki hum usi qoam ka hissa hain, jis ne ek Azaan k liye 22 jawaan qurbaan kiye hain... hum ne un qurbaaniyun ko raigaan nahi hone dena... hamari qoam to pehle se hi aazmayishun se giri hui hai or us pe hum ne ye sab gunah kar k apni mushkilaat mai or izaafa kiya hai ...
    Mai apne Kashmiri bhai behnu se guzarish karta hun ki aao sab mil k ek naye Kashmir k liye , naye mustakbil k liye hum b kuch karein, kuch aisa ki aane wali hamari naslein hume yaad kare or hamare liye dua kare...

    @sayim_m @khanjaseera @urwahh @malik_arshia_118 @bariya_hamid

    Read More

    Jannat e Kashmir

    Soye hue zameer ko jagana hoga
    Shaitaan ki alm ko ab jalana hoga

    Mit gaye hum badkaari karte karte
    Ab har badkaari k nishaan ko mitana hoga

    Aansu baha k kuch bhala na hua apna
    Manzil paane ko khoon e jigar bahana hoga

    But gaye hum firgu'n mai be_maqsad
    Ab ek maqsad k liye sab ko milana hoga

    Deen se doori har khaami ki wajah hai
    Deen ko phir apne dilun mai basana hoga

    Kab tak ghaflat mai pade rahe ge yun hi
    Parda hata k aankhun ko sach dikhana hoga

    Dil mai ek gunahun ki muhr pad gayi hai
    Ab toba kar k us muhr ko mitana hoga

    Bhool gaye the hum Khuda ki ita'at ko
    Haq pe chal k apna har waada nibhana hoga

    Ek nayi subah aaye gi apne aangan mai
    Is siyah raat ka saaya sar se hatana hoga

    Phir wahi farishtun wali siffat dikhe gi hum ko
    Shaitaan ko maar k khud ko insan banana hoga

    Nasha, badkaari or har bure kaam se door reh kar
    Kashmir ko phir se jannat ka darja dilana hoga

    ©rameez

  • rameez 85w

    #Pampore #Rape #3YearOldBabyGirl

    Ab kuch raha nahi hai kehne ko
    Kashmir b raha nahi ab rehne ko

    Aaj mere pass koi lafz nahi kehne k liye, na koi baat hai jis se kisi ko dilasa de sakun... bas itna keh sakta hun ki ab hamare Kashmir mai jannat jaisi koi baat nahi. Jannat mai to kisi 3 saal ki bachi ka Rape nahi hota������

    "Was it my fault?"
    Asked the short skirt.

    "No it happened with me too.
    Replied the burka."

    "The diaper in the corner
    couldn't even speak."
    @sayim_m

    @bariya_hamid @khanjaseera @urwahh @wanihadii

    Read More

    Jin baatun pe kabhi fakhar tha mujhe, ab un pe sharam aati hai
    Jin baatun pe buland rehta tha sar, ab un pe gardan jhuk jati hai

    Mai us qoam se hun, jis ne insaniyat sikhayi hai jahaan ko
    Aaj mera haal dekho, insaniyat mere ghar aa k mar jati hai

    Ek wo zaalim the, jo apni betiyun ko zinda dargor karte the
    Ek hum badkaar hain, jin ko dekhte hi aurat khud ko dafan kar jati hai

    Ek wo musalman the, jinhune murawat ka sabaq diya tha duniya ko
    Ek hum faasiq hain, jin ki aankhun mai sharam har din mar jati hai

    Deen u duniya chod k, hum bas hawas k pujaari ban gaye hain
    Aurat ki baat chodo, ek bachi ko dekh k hamari niyat badal jati hai

    Chote kapdu ko pehle dosh diya, to burke mai b asmat rezi hone lagi
    Kapdu ki kya baat karein, teen saal ki bachi mai jab aurat dikh jati hai

    Muhafiz ka darja mila tha hume, magar hum bhatak gaye hain ab
    Hamari behen beti ko dekho, ab to saamne aane se b dar jati hai

    Jo dil Khuda ka ghar tha kabhi, wo shaitaan ka basera ban gaya hai
    Hum Masjid mai moomin hote hain, bahar aa k wo siffat hi badal jati hai

    Kehne ko to hum ne roze b rakhe, Hajj b kiya dikhawe k liye
    Kaabe mai yun to shaitaan nahi, hamare jaate hi ye riwayat badal jati hai

    Ek haakim hai hamare mulk ka, jo apne farz ko bhool baitha hai
    Ek adalat b hai yahan, sachayi sar e aam jahan dum tod jati hai

    Saari duniya se mayoos ho k, Ya Rab teri baargah mai aaye hain
    Hont khamosh hain hamare lekin dilun se qayamat jaisi ek aah nikal jati hai

    ©rameez