• nikhilnikarthil 106w

    പുസ്തകങ്ങളുടെ ലോകം ��
    പണ്ടെങ്ങോ ഉപേക്ഷിച്ച ഒന്നിലേക്ക് തിരിഞ്ഞു നോക്കി അതിനെ വീണ്ടും നമ്മളിലേക്ക് അടുപ്പിക്കുവാനുള്ള ശ്രമങ്ങൾ പലരും ജീവിതത്തിന്റെ ചില നിമിഷങ്ങളിൽ അനുഭവിച്ചറിഞ്ഞിട്ടുള്ളതായിരിക്കും.. എത്രമാത്രം തീവ്രമായ ഒരു അനുഭൂതിയാണത്.. ഒരുപക്ഷെ തിരിഞ്ഞുനോട്ടം നമ്മളിലേക്ക് തന്നെ ആണെങ്കിലോ.. നാം എന്നോ ഉപേക്ഷിച്ച അല്ലെങ്കിൽ ഞാൻ തിരഞ്ഞുക്കൊണ്ടിരുന്ന എന്നിലെ എന്നെ പാതിവഴിയിൽ ഉപേക്ഷിച്ച മനസിന്റെ ആഴങ്ങിലേയ്ക്ക് ഒരിക്കൽ കൂടി കടന്നുകയറുവാനുള്ള ശ്രമങ്ങളുടെ തിരിഞ്ഞുനോട്ടങ്ങൾ...എങ്ങനെ ആയിരിക്കും അവ..നമ്മളെ എവിടെ കൊണ്ടേ എത്തിക്കും..ഒരുപാട് ചോദ്യങ്ങളാണ് മുന്നിൽ..

    ഒരുപക്ഷെ പുസ്തകങ്ങളെ പ്രണയിച്ചു വായന എന്ന ലോകത്തിലേയ്ക്ക് ആഴ്ന്നിറങ്ങി കഥാപാത്രങ്ങളിലായി മാറി അവിടെ നമ്മെ തിരഞ്ഞു നടന്ന കുറച്ച് പേർ മനസ്സിന്റെ ചില പ്രേരണകൾക്ക് വഴങ്ങി എന്നെന്നേയ്ക്കുമായി താൻ തിരഞ്ഞു കൊണ്ടിരുന്ന തന്നെ ഉപേക്ഷിച്ചു കൊണ്ട് വേറെ എന്തിലേയ്ക്കോ ചുരുങ്ങി പോകുവാൻ വിധിക്കപ്പെട്ട നിമിഷങ്ങൾ ഉണ്ടായിരിക്കാം..നിമിഷങ്ങൾ തീരുമാനങ്ങൾ ഇവയൊക്കെ ജീവിതത്തിന്റെ അർത്ഥതലങ്ങളിലെ ചില നാഴികക്കല്ലുകളാണ്... ജീവിതത്തിന്റെ എന്ന് പറയുമ്പോൾ എന്താണ് ജീവിതം എന്ന് കൂടെ ആലോചിക്കേണ്ടിയിരിക്കുന്നു(ഒരു ചോദ്യചിഹ്നമായി അങ്ങനെ കിടക്കട്ടെ ഉത്തരങ്ങൾ പലതായിരിക്കും ചോദ്യം അങ്ങനെ തന്നെ നിലനിൽകപ്പെടുമ്പോൾ... )
    ചില തിരിച്ചു പിടുത്തങ്ങൾ അങ്ങനെയാണ് പെട്ടെന്നൊന്നും വഴങ്ങി കിട്ടുകയില്ല.. ഒരുപക്ഷെ നമ്മെ തന്നെ തിരിച്ചു പിടിക്കുന്ന വേളകളാണ് അവയൊക്കെയുമെങ്കിലോ..
    (ശേഷം.. അടുത്ത post ൽ�� )

    Read More

    വർഷങ്ങൾക്കിപ്പുറം നോവുകളുടെ ആഴകടലുകൾ താണ്ടി അങ്ങനെയൊരു ദിവസത്തിനെ കൈക്കുമ്പിളിലേയ്ക്ക് ഒതുക്കി മുറുക്കെ പിടിച്ച് കൊണ്ട് ചെറു പുഞ്ചിരി തൂകുന്ന നിമിഷങ്ങളെ കുറിച്ച് ഒന്ന് ആലോചിച്ചു നോക്കിയാലോ... ഒരുപക്ഷെ സങ്കീർണമായ ചില ഏറ്റക്കുറച്ചിലുകൾക്ക് അവസാനം ചിരിക്കുവാൻ തുനിയുന്ന മനസ്സിന്റെ വിങ്ങലുകളുടെ പ്രദിധ്വനി ആവും ആ കൈകുമ്പിളിൽ ഒതുക്കി പുഞ്ചിരിക്കുവാൻ പ്രേരിപ്പിക്കുന്നത്..

    പുസ്തകങ്ങളുടെ ലോകത്തേയ്ക്ക് വീണ്ടും എത്തുന്ന ഒരു നിമിഷം സങ്കീർണമായ ഒരു നിമിഷം.. ഒരിക്കൽ എന്നെ തിരഞ്ഞു നടന്ന കാൽവഴികളായിരുന്നിരിക്കാം അവയൊക്കെ അതുകൊണ്ടല്ലേ അവ ഇത്ര മാത്രം എന്നിലേയ്ക്ക് ആഴ്നിറങ്ങുന്നതും.. പുസ്തകങ്ങളിലൂടെ നമ്മളെ ഒരിക്കലെങ്കിലും തിരഞ്ഞു നോക്കിയവർ ആയിരിക്കില്ലേ നമ്മളോരോരുത്തരും.. കഥാപാത്രങ്ങളെ സ്വയം ഉൾക്കൊണ്ട്കൊണ്ട് ഉള്ള ഒരു തിരച്ചിൽ.. ഇതിൽ എവിടെയാണ് ഞാൻ ഒളിഞ്ഞിരിക്കുന്നത് എന്ന് കണ്ടുപിടിക്കുവാനുള്ള ഒരു തിരച്ചിൽ അവസാനം ഓരോ പുസ്തകത്താളിളെ ഓരോ വരിയിലും നാം നമ്മെ കണ്ടെത്തിയിരുന്നിരിക്കാം.. ആരോടും പറയാതെ അത്രമേൽ നാമായി മാറിയിരുന്ന നിമിഷങ്ങൾ..
    ©nikhilnikarthil