• nithyaji 18w

    എവിടേയ്ക്കും പൊയ്ക്കൊള്ളുക,
    എത്ര ദൂരേയ്ക്കും.
    പ്രഭാതത്തിലെ കുളിർക്കാറ്റിനു കൂട്ടുപോവുക, ഓർമ്മകളുടെ കയറ്റിറക്കങ്ങളിൽ
    കുഞ്ഞിനെപ്പോലെ ചിരിച്ചുകൊണ്ട് പായുക,
    തട്ടിവീഴുമ്പോൾ ഉച്ചത്തിൽ പൊട്ടിക്കരയുക.
    ഉള്ളു കലങ്ങുമ്പോൾ ഒരു കടലു കാണുക,
    ചിരി മറക്കുമ്പോൾ ആകാശത്തോട്
    ഒരു മഴ ചോദിച്ചു വാങ്ങുക.
    സായന്തനങ്ങളിൽ വല്ലപ്പോഴും ഈ വഴി വരുക.
    ഒരു ചായ ചുംബിച്ചു തീരുവോളം നേരം എനിക്കൊപ്പമിരിക്കുക.
    വെറുതെ...
    ©nithyaji