• rameez 91w

    Asalaam u alikum
    Ramzan aap sab ko bohot bohot mubarak ho ... or Allah hum sab ko roze rakhne ki taufeeq de or hamari har ibadat ko aoni bargah mai qubool farmaye....
    Jaisa ki aap sab ko pata hai Ramzan ka paak or ba_barkat mahina aane wala hai or poori duniya Corona jaisi museebat se dochaar hai... 1 mahine se logun k business band hain, dukaane band hain , jo log choti mota kaam kar k do waqt ki roti khate the , un k wo kaam band hain, Auto Rickshaw band hai, takreeban kamayi ka har zariya band hai... bohot saare logun k pass khane peene ka saman nahi hai, to kisi k pass paise khatam ho gaye, to kisi k pass medicines nahi hai, garz ye ki Allah ne mukhtalif logun ko mukhtalif aazmayishun mai daal rakha hai, lehza meri aap sab se guzarish hai ki aap apne ird gird mai dekh lein, kisi zaroorat mand ki madad kare, aap se jo ban paaye kare, Ramzan ka to maqsad hi yahi hai ki hum ek dusre ka khayal rakhe, ache kaam karein, burayi se door rahein...
    Agar is paak mahine mai b hamare aas paas koi bhooka reh gaya, ya kisi dusru pareshani mai raha to Allah roz i mehshar hum se yaqeenan puche ga...
    InShaAllah hum log is aazmayish se bohot jald nikal jaye ge ... Allah hum sab ko seeda raasta dikhaye or us pe chalne ki taufeeq de...

    @sayim_m @in_shaa @bariya_hamid @sadafiqbal @natureattraction

    Read More

    Ab ki baar hum b roze rakh k dekhte hain
    Ab ki baar hum b khuda ko raazi kar k dekhte hain

    Dekhte hain kya milta hai us k qareeb jaane se
    Ab ki baar hum b us ki qurbat haasil kar k dekhte hain

    Sune hain hum ne us ki badshahat k charche baarhaa
    Ab ki baar hum b us k dar pe ja k dekhte hain

    Kabhi lota nahi khali haath us k darbar se koi
    Ab ki baar hum b apna daaman faila k dekhte hain

    Us ki sakhawat ki log kasmein khate hain gaam o shehar
    Ab ki baar hum b jannat ki guzarish kar k dekhte hain

    Suna hai us ki yaad mai jaagne se sukoon ki neend milti hai
    Ab ki baar hum b Tahajjud guzaar ban k dekhte hain

    Us ki taraf ek qadam chale to wo das qadam chalta hai
    Ab ki baar hum b har qadam us ki taraf utha k dekhte hain

    Koi us ka ho jaye to wo duniya qadmu mai rakh deta hai
    Ab ki baar hum b khud ko us ka gulaam kar k dekhte hain

    Ramzan ki barkaat to bachpan se sunte aaye hain
    Ab ki baar hum b khud ko is k rang mai rang k dekhte hain

    Farz to phir farz hai, Nafl mai satar farzun ka sawab milta hai
    Ab ki baar hum b har Nafl ko khud pe farz kar k dekhte hain

    Tilawat e Quran se itminaan e qalb haasil hota hai
    Ab ki baar hum b Quran ko dil mai basa k dekhte hain

    Suna hai rone walun ko do jahaan ki khushiyun ka waada hai
    Ab ki baar hum b khoon e jigar baha k dekhte hain

    Abhi tak Khuda or iblees k beech jaise atak k reh gaye the hum
    Ab ki baar hum b khuda k jaan_nisaar ban k dekhte hain

    Mazajiyat ko hum apne wajood ki azaadi samaj baithe the
    Ab ki baar hum b haqeeqi ishq mai giriftaar ho k dekhte hain

    Han ab tak gaflat ki neend so rahe the hum Rameez
    Ab ki baar hum b apne imaan ko jaga k dekhte hain

    ©rameez