• moonbelle 110w

    രാവിലെ എഴുന്നേറ്റപ്പോൾ, മാനസിക്ക് എവിടെനിന്നോ വല്ലാത്തൊരു ഊർജം അനുഭവപ്പെട്ടു, എങ്ങോ ആരൊക്കെയോ കൂടെയുള്ളതു പോലെ.

    അടുത്ത ദിനങ്ങൾ, അവർക്ക് ഏറെ രസകരമായി തോന്നി, ഒരുപാടു നാളുകൾക്ക് ശേഷം, ഒന്നിച്ചുള്ള പ്രിയപ്പെട്ട നിമിഷങ്ങൾ.

    റിസോർട്ടിൽ നിന്ന് അധികം ദൂരെയല്ലാതെയുള്ള വെള്ളച്ചാട്ടവും, 'അത്ഭുതദ്വീപ്' എന്ന് അറിയപ്പെടുന്ന ചന്ദ്രനഗരിയും, വെള്ളാരം കല്ലുകൾ കൊണ്ടു നിർമ്മിച്ച വെള്ളാരംകോട്ടയും കണ്ടും, തിമിർത്തും, ആസ്വദിച്ചും മാനസി, എബിയുടെ സ്വന്തം മാനിയായി ജീവിതമെന്ന സ്വപ്നഭൂമിയിലേക്ക് പടികൾ കയറി തുടങ്ങി.

    പടിഞ്ഞാറൻ ചക്രവാള ശോണാഭമായ കുങ്കുമ സൂര്യന്റെയും തടാകക്കുളിർമയിൽ വിരിഞ്ഞ ചെന്താമരയുടെയും പ്രണയഗാഥ പോലെ അവരുടെ പ്രണയവും പൂവിടുന്ന നിമിഷങ്ങൾ, പ്രകൃതിയിലേക്കലിഞ്ഞപ്പോൾ മന്ദമാരുതനും തന്റെ പ്രിയദളങ്ങളോട് കഥകൾ ചൊല്ലി വീശി. മേപ്പിൾ മരങ്ങൾ മഞ്ഞു പുതച്ച ഉറങ്ങുന്ന സായാഹ്നസന്ധ്യകളിൽ, ചങ്ങാടത്തിൽ തുഴഞ്ഞു ആ കൊച്ചു തുരുത്തിൽ ചെന്ന് കൈകൾ കോർത്തിണക്കി, നിശബ്ദപൗർണമിയിലെ പ്രണയനിലവായൊഴുകുന്ന ഹർമ്യകാഴ്ചകൾ പുണർന്ന് ഇരുവരും ആഹ്‌ളാദിച്ചു.

    അങ്ങനെയൊരുനാൾ, വേർപിരിയാതെ
    പ്രണയാതുരമായി റൂമിലേക്ക് തിരിച്ചെത്തിയ എബി പതിവുപോലെ ഫോണെടുത്തു നോക്കി,

    "18 missed calls...

    എന്റെ കർത്താവേ... M D ആണല്ലോ.. ഞാനിപ്പോ.. എന്നാ പറയും.."

    "ആ കൈമൾ വെള്ളത്തിൽ പോയിന്ന് പറ..ഹല്ല പിന്നെ"

    "എടോ.. കൈമളേട്ടൻ ശുദ്ധനാ.. സാധു.."

    "ആ..അതൊക്കെ എനിക്ക് മനസിലായി....
    എബി എം ഡിയെ വിളിച്ച് കാര്യം തിരക്കൂ"

    "ഹലോ, sir..."
    .
    .
    .
    നാളെയോ.. ആണോ.. ഞാൻ വരാം sir
    .
    .
    വേണ്ട meeting cancel ചെയ്യണ്ട
    .
    .
    It's ok sir
    .
    .
    Yes sir
    .
    .
    ok bye"

    "എന്തേ എബി.. എന്തെ anything serious"

    എബിയുടെ മുഖത്തു ശങ്കഭാവങ്ങൾ കണ്ട്, പെയ്യാൻ വെമ്പുന്ന കാർമേഘമായി മാനസിക്ക് തോന്നി.

    (തുടരും) #aaro

    Read More

    .