• _mutualist_ 57w

    ചെമ്പനീർ പൂവ്

    അപ്‌സരസ്സിൻ പര്യായം ഈവിധം,
    ഒന്നേയുള്ളൂ , ഇൗ പാരിൽ അതാണുനീ.
    മുൾചെടിയിൽ വളർന്നാലും ഹൃദ്യമാം
    ചെന്തളിരിതൾ , വന്യമാം സൗരഭം.

    എകമായ ഒരുപാടു പ്രേമങ്ങൾ
    നിന്നിലൂടെ അനഖാനുരാഗമായ്‌ .
    പ്രേമിക്കുന്നവർ ചെമ്പനീർ പൂക്കളായ്
    നിന്റെ സൗഭഗം ,വേറെന്തു പറയുവാൻ.

    എത്ര എത്ര മരണ തറകളിൽ
    വേദനകളെ നിന്റെ ഇൗ സൗന്ദര്യം...
    ഒന്നിടവേള പ്രത്യാശ തൻ ഒളി
    പ്രാണനിൽ ലയിച്ചാശ്വാസ ഹേതു ആയ്‌ ..

    കത്തിയാളും ചിതയിൽ നിൻ _സൗരഭം
    കത്തി നിൽക്കും പ്രണയത്തിൻ സൗന്ദര്യം
    കത്തി ആളും പകലിന്റെ സൗന്ദര്യം
    കത്തി കൊണ്ടു മുറിച്ചാലും സൗരഭം.

    മുള്ളുകൊണ്ടാൽ കരയുന്ന പെണ്ണിന്റെ
    ഉള്ളിൽ പ്രേമത്തിൻ മുള്ളുതറച്ചതിൽ-
    പിന്നെ മുള്ളാൽ മുറിഞ്ഞൊരു ചോരയിൽ
    പ്രേമമുണ്ടെന്ന് പോലും പറഞ്ഞവൾ.

    ©_mutualist_