• hafeezhmha 23w

    Tark-e-wafa ke gham mey madhosh hai ye raahi, qamar ki roshni se ek toot ta sitara usey nazar aata hai. Beyqabar, wo hokar, chala uske peeche.

    Sabr ko hatheli par lekar, nikla wo apni larzishon ko manzil dene. Shikayatein toh bohot thi apnon se, par aaye nahi lafz labon par, guftagu yaar se wo kar na saka.

    Jo lutf intezaar mey tha wo ab duniya ki aab o hawa mein reh gaya. Mashgooli-yat toh itni thi ke bhool gaya ke kuch lazzat sa tha bhi uske intezaar mey.

    Mohabbat ke jamaal par toh likhe kaee'
    Ash-aar mashaaikh ney, par zaika-e-shikast koi bayan na kar saka.

    ©hafeezhmha

    #kabhiurdulikhakaro

    @siddiqua_ hi :')

    Read More

    Kai fi yat

    Tere intezaar mey
    meri ibadat qaza
    ho jaye

    Reth ke zarron ke
    maan'ind ye saahil
    kinaaraa ho jaye

    Musalsal keh rahi
    aaj ye siyaah
    khaamoshiyan

    Ke aaj aasmaan ke
    tabe'y ye sitaara
    ho jaye

    ~h