Miraquill
നോവുചാലുതീണ്ടിയൊഴുകിയതും
ജനലോരമൊരു നിഴൽപോൽ
ജീർണ്ണിച്ചു ചേർന്നതും
മരുപ്പച്ച തേടിയലഞ്ഞതും
എല്ലാം മരീചികയായ് മറഞ്ഞതും
നിങ്ങളറിഞ്ഞു കാണില്ല
നുറുങ്ങുകളായ മനസ്സിൽ
തുന്നിച്ചേർത്ത നുറുങ്ങുകവിതകളും നർമ്മങ്ങളും
പകുത്തൊരു നാളസ്തമിക്കവോളം
നിങ്ങൾ അന്ധരും ഞാൻ മൂകയുമായിരിക്കട്ടെ
©നിൻചാരെ
Grid View
List View
Reposts
-
ninchaare
59w
-
ninchaare
63w
എൻറെയാകാശം നീയാണെന്നിരിക്കെ
നിലാവൊളിയിൽ നീ നിറഞ്ഞു നിൽക്കെ
എൻറെ പ്രാണൻറെ പാതിയിലേറെ
നീ കവർന്നെടുത്തെന്നിരിക്കേ
ഇനിയുമെത്ര നുണപ്പൊതികളിലാണ്
ഞാൻ നിന്നെയൊളിച്ചു വെക്കുക -
ninchaare
66w
പൊഴിയുന്നു രാമഴയിൽ വിമൂകമായേതോ മൗനസ്വരങ്ങൾ
വിരഹാർദ്രമൊരു രാഗം ഉതിരുന്നുവീ തന്ത്രിയിൽ
നിനവതിലൊഴുകുന്നു നിൻ മൃദുലമാം പുഞ്ചിരി
അറിയാതെയുരുകുന്നു ഒരു വേനൽ പൊഴിയുന്നു.
അണയുകെന്നരികിലൊരു നേർത്ത തെന്നലായി നീ
അലിയണമൊരു ഹിമകണമായ് നിറയണമൊരു ഹേമന്തമായ്. -
ninchaare
70w
മാഞ്ഞെന്ന് കരുതീടീലും
ഈരടികൾകേൾക്കെയോടിയെത്തുന്നു ,
ഉദയാസ്തമയങ്ങൾക്കിടയിൽ പൗർണ്ണമി
പ്രഭ തീർത്തു നിൽക്കുന്നു,
സ്മരണകളുടെ വേലിയേറ്റങ്ങൾ.
©നിൻചാരെ -
ninchaare
86w
നമ്മളൊരു പകൽകിനാവ് മാത്രമായിരുന്നുവെന്നതെന്നെ മുറിപ്പെടുത്തുന്നു.
നിനക്കായ് മിടിച്ച ഹൃദയം നീലിച്ചു തുടങ്ങിയിരിക്കുന്നു.
എൻറെ സായന്തനങ്ങളെന്നിട്ടുമെന്തിനോ നിന്നിലേക്ക് ചേക്കേറുന്നു.
എൻറെ നൊമ്പരവും നൽനിമിഷങ്ങളും
നിന്നിൽ സംഗമിക്കുന്നു. -
ninchaare
90w
നമുക്കിടയിൽ ഇനിയെത്ര ഋതുക്കളുണ്ടെന്ന കണക്കെടുപ്പിലാണ് ഞാൻ.ശിശിരത്തിൽ നിന്റെ പുതപ്പാവാനും വാസന്തത്തിൽ നിനക്കായ് വിരിയാനും ശരത്കാലരാവിൽ നിന്നിലേക്ക് വീണു ശമിക്കാനും ഈ .മാത്ര മോഹിപ്പൂ സഖേ .
-
ninchaare
94w
ചിലപ്പോഴൊക്കെയും മൗനത്തിന്
കൂട്ടിരിക്കാനൊരാളെയാണാവശ്യം.
നീണ്ട മൗനത്തിനൊടുവിൽ
ഇടറിയ ശബ്ദത്തിൽ
സംസാരിച്ചു തുടങ്ങുവോളം
മുഷിയാതെ കേട്ടിരിക്കുന്ന ഒരേയൊരാൾ .
നിങ്ങളയാളാവുക.
©നിൻചാരെ -
.
-
ninchaare
96w
ഓർമ്മച്ചെരാതിതിൻ ദീപ്തമാം പ്രഭയിൽ നഷ്ടസൗഗന്തികത്തിൻ മിഴിവു ഞാൻ കണ്ടു.ഒരു ഞൊടി കണ്ഠത്തിലുതിർന്നൊരു ഗദ്ഗദം മിഴിലൊരു ചെറുമഴയും പൊടിഞ്ഞു.
നിനവിൻറെ കോണിലെ അവസാനകണികയിൽ നറുനിലാചിരിയുള്ള നിൻ മുഖം തെളിഞ്ഞു.
നിമിനേരമറിയാതെ നിന്നെ തിരഞ്ഞു ഒരു രാവു കൂടെ പൊഴിഞ്ഞു. -
ninchaare
98w
എത്രയും പ്രിയപ്പെട്ടവന് ,
എന്റെ ഇന്നലെകളിലും ഇന്നിലും
ഞാൻ നിന്നെ തേടിക്കൊണ്ടേയിരിക്കുന്നു.
പിന്നിട്ട വഴികളിലൊന്നിലും നീയില്ലാതിരുന്നതിന്
ഇടയ്ക്ക് നിന്നെ പഴി പറയുന്നുണ്ട്.
നീയെവിടെയാണെന്നോ എങ്ങനെയാണെന്നോ അറിയില്ലെങ്കിലും
സന്തോഷത്തോടെയിരിക്കട്ടെ എന്നാഗ്രഹിക്കുന്നു.
നിന്റെ ബലവും ബലഹീനതയും ആരായിരിക്കുമെന്നറിയില്ല.
ഒരു പക്ഷേ നീയിപ്പോൾ മറ്റൊരുവളുടെ മിഴികളിൽ നോക്കി
നീയവളെയെത്രമാത്രം സ്നേഹിക്കുന്നുവെന്ന് വിവരിക്കയാവാം.
ഓരോ ആൾക്കൂട്ടത്തിലും നിന്നെ ഞാൻ തേടുന്ന പോലെ ചിലപ്പോൾ നീയെന്നെയും തേടുന്നുണ്ടാവാം.
നിന്റെ കണ്ണുകളുടെ നിറവും ഉയരവും വണ്ണവുമെല്ലാം പലപ്പോഴായി
സങ്കൽപ്പിച്ചു നോക്കുകയേ വഴിയുള്ളു.
തികച്ചും ആകസ്മികമായ് നാം കണ്ടുമുട്ടട്ടെ.
അതെന്നു തന്നെ ആണെങ്കിലും നാം ചേരേണ്ടവരാണെന്ന്
തിരിച്ചറിയുന്ന ആ നിമിഷം ... അതെനിക്കെന്നും വിലപ്പെട്ടതായിരിക്കും.
നീണ്ട കാത്തിരിപ്പിനും അന്യേഷണങ്ങൾക്കുമൊടുവിൽ
നാം നമ്മളെയറിയും.
ഇക്കാലമത്രയും കാത്തുവെച്ച പ്രണയം നിന്നിലേക്ക്
മഴയായ് പെയ്തു തുടങ്ങും .......
© നിൻചാരെ
-
ഒറ്റയായിത്തീർന്ന ഒരുവൾ
നടന്ന് പോയ വഴിയേ
വെറുതേ നടന്നപ്പോൾ
തോന്നിയ ഉച്ചക്കിറുക്കാവും.
അല്ലെങ്കിൽ
പുറത്ത് പെയ്യുന്ന മഴയിൽ
നനഞ്ഞ് കുതിരുന്ന
ഒറ്റമരങ്ങളെ ദീർഘനേരം
നോക്കിയിരിക്കുന്ന ഈ
പാതിരാവിന്റെ വ്യഥനങ്ങളാകും.
നോക്കൂ..
ഞാനുമൊരു പ്രണയത്തെക്കുറിച്ച്
എഴുതിയാലോ എന്നാണ്.
,
ഒരു കവിതയുടെ ഗന്ധം
പോലുമേൽക്കാതെ പിറന്ന്
വീഴുന്ന അക്ഷരങ്ങളിൽ
നഷ്ടപ്പെട്ടു പോയ ഒരുവളെ
അടയാളപ്പെടുത്തി
വയ്ക്കുന്നതിനെക്കുറിച്ചാണ്.
എഴുതി വച്ചില്ലെയെങ്കിൽ
നഷ്ടപ്പെട്ടുപോയേക്കാം
എന്ന് കരുതുന്ന ഒരു
നിമിഷത്തിന്റെ അതിബുദ്ധി
കവിതകളെ ജനിപ്പിക്കുന്നില്ല
എന്ന് നീ പറഞ്ഞേക്കാം.
എങ്കിലും ഓർമ്മകളിൽ
ജീവിക്കുന്ന ഒരുവളെ
അടയാളപ്പെടുത്തുവാൻ
അക്ഷരങ്ങൾ മാത്രമാണ്
അവശേഷിക്കുന്നതെന്നെങ്കിലും
ഞാൻ എഴുതിവയ്ക്കേണ്ടേ?
അതൊരു പ്രണയമായിരുന്നുവല്ലോ!
ഒറ്റയില കൊണ്ട് ജീവിച്ച
വൃക്ഷങ്ങളൊന്നും ഒരു
ശിശിരം വരെ ചെന്നെത്തിയില്ലെന്ന്
, കൊഴിയുവാനും പട്ട്
പോകുവാനും അവ
ഋതുക്കളെ കാത്തിരുന്നില്ലെന്ന്.
ഓർമ്മകൾ
വേദനിപ്പിക്കുന്നുവെന്നല്ല.
അവ ഓർമ്മകൾ മാത്രമാകുന്നു
എന്ന തിരിച്ചറിവുകൾ
വേദനിപ്പിക്കുമെന്ന്
എഴുതിയേക്കാമെന്ന്.
വായിക്കപ്പെടുവാൻ വേണ്ടിയല്ല
എഴുതുവാൻ വേണ്ടി മാത്രം .
ഒരു പ്രണയത്തെ കുറിച്ച്
എഴുതിയാലോ എന്നാണ്.
©മങ്ങാടൻ -
ഞാൻ നിങ്ങളോട് വീണ്ടും ചോദിച്ചില്ല. ഓർക്കാഞ്ഞിട്ടല്ല,പക്ഷേ എന്തോ വീണ്ടും പാതിയിൽ മുറിഞ്ഞു പോവുമെന്നൊരു ആശങ്ക.അത്കൊണ്ടാണിപ്പോഴും കവിതകൾ ഏറെ മൂളാൻ ഉണ്ടായിട്ടും, ഞാൻ കഥകളിലേക്ക് മാത്രം ചുരുങ്ങുന്നത്.നിങ്ങൾ ഒരിക്കലും തിരിച്ചറിയാത്തൊരു മൗനം എന്നിൽ കുടുങ്ങി കിടപ്പുണ്ട്. അത് പലപ്പോഴും ഉച്ചത്തിൽ അങ്ങനെ പുറത്തേക്ക് വരാൻ ശ്രമിച്ചു തൊണ്ടയിടുക്കിന്റെ പാതി വഴിയിൽ വെച്ച് ശ്വാസത്തോടൊപ്പം തിരിച്ചിറങ്ങി പോവുന്നു.പിന്നീടവ നെടുവീർപ്പുകളായി മരണപ്പെടുന്നു.എന്റെയുള്ളിൽ അങ്ങനെ എത്ര പ്രണയത്തിന്റെ വരികളാണ് എന്നും ആത്മഹത്യ ചെയ്തുകൊണ്ടിരിക്കുന്നത്....
- തവശ്രീ
©thavasree -
പൂർണ്ണമായില്ല എന്ന തോന്നലിന്റെ
അറ്റത്തു മുറുകി കിടക്കുന്ന
കെട്ടാണ് ചിലരെങ്കിലും....
അഴിയാനാവാതെ അങ്ങനെ ഇരിക്കുന്നതാണ് നിലനില്പ്.
©revathymohan -
kannan_
96w
ഇങ്ങനെ...
എത്രയെത്ര പകലിരവുകൾ..
എന്റെ മനസ്സിന്റെ ജനാലകോണുകളിൽ
നിന്റെ ഓർമ്മകളുടെ ഉദയാസ്തമനങ്ങൾ
നിഴൽചിത്രം തീർക്കുന്ന
എത്രയെത്ര പകലിരവുകൾ..!!
©kannan_ -
thavasree
97w
Read Moreനിങ്ങളെനിക്കാരാണെന്നു ചോദിച്ചാൽ,
നിങ്ങളെനിക്ക് നിങ്ങളാണെന്നു പറയും ഞാൻ.
നിങ്ങൾ എന്തൊക്കെയാണോ,
അതൊക്കെ തന്നെയാണെന്ന് പറയും.
ഒരു സൂര്യോദയം മുതൽ അസ്തമയം വരെ
കൂടെ കാണാൻ കഴിയുന്നൊരാളെന്ന്.
പിന്നെ രാത്രിയിൽ നക്ഷത്രങ്ങൾക്ക്
ചിറകുകൾ വരയ്ക്കുന്നൊരാളെന്നും.
പുഴയും, കുന്നും, കടലും, കനവും
കാടും, മലയും, വാക്കും, വരയും
നിറവും, നിനവും, വാനവും,
എന്റെയോരോ പാട്ടും ചുവടും നിങ്ങളാവാം.
ഏറെ പ്രിയപ്പെട്ട മനുഷ്യരിൽ
പ്രിയപ്പെട്ടൊരാ മനുഷ്യനാവാം .
ശൂന്യമാക്കിയെന്നെ ഞാൻ
മാറ്റി വെയ്ക്കുന്ന ഇഷ്ടങ്ങളുടെ
നഷ്ടത്തിന്റെ പേരാവാം നിങ്ങൾ..
വരികളിൽ ഒളിപ്പിച്ച വസന്തത്തിൽ
ഇന്നും കണ്ടെത്താൻ കഴിയാതെപോയ
എന്റെ കേവലം അക്ഷരങ്ങൾ മാത്രമാവാം.
നിങ്ങൾ എനിക്ക് നിങ്ങൾ മാത്രമാണ്!!!
കഥകൾക്ക് വിരാമം കുറിച്ച് പൂർത്തിയാകുമ്പോൾ
പൂർത്തിയാവാതെയിന്നും തുടരുന്നൊരെന്റെ പ്രിയപ്പെട്ടൊരിരുവരി കവിതയാവാം നിങ്ങൾ.
അതില്പരം നിങ്ങൾ എന്താണെന്നെനിക്കറിയില്ല
നിങ്ങൾ എനിക്ക് നിങ്ങൾ മാത്രമാണ്!!!
- തവശ്രീകഥകൾക്ക് വിരാമം കുറിച്ച് പൂർത്തിയാകുമ്പോൾ
പൂർത്തിയാവാതെയിന്നും തുടരുന്നൊരെന്റെ പ്രിയപ്പെട്ടൊരിരുവരി കവിതയാവാം നിങ്ങൾ.
അതില്പരം നിങ്ങൾ എന്താണെന്നെനിക്കറിയില്ല
നിങ്ങൾ എനിക്ക് നിങ്ങൾ മാത്രമാണ്!!!
- തവശ്രീ
©thavasree -
deepakharidas
100w
ഒരു വിരഹകവിതക്കു വിഷയമാവാതെ നീയെന്തിനാണിപ്പോഴും എന്റെ കരൾഭിത്തികളിൽ കോറിവരക്കുന്നത്.?
പിരിഞ്ഞുപോയൊരു പ്രണയകഥയെന്നു തോന്നിക്കാതെ എന്റെ കടലാസ്സു കൂമ്പാരങ്ങളിൽ നിറഞ്ഞു തൂവുന്നത്.?
പാതിയിൽ വെന്തുപോയ ചുംബനമെന്നോർക്കാതെ കുളിരുന്നൊരു തണ്ണീർക്കുടം കണ്ണിലിറ്റിക്കുന്നത്.?
ഇനിയില്ലയെന്ന് സ്വപ്നങ്ങളെ കൊല്ലാതെ വീണ്ടും ഓർമ്മകളെ മുലയൂട്ടുന്നത്.?
കല്ലാക്കി മാറ്റേണ്ടിയിരുന്ന മനസ്സിന് പാറി നടക്കാനൊരു പൂമ്പാറ്റക്കാലം കൊടുക്കുന്നത്..?
പ്രിയപ്പെട്ടവളേ..
ഒരു വിരഹകവിതക്കു വിഷയമാവാതെ നീയെന്തിനാണിപ്പോഴും എന്റെ കരൾഭിത്തികളിൽ കോറിവരക്കുന്നത്..?
ആറിത്തണുത്ത വിപ്ലവകവിതക്ക് ചുടുചോരയുടെ വീര്യമാവുന്നത്..?
പ്രണയിക്കപ്പെടുന്നത്.??
©deepakharidas -
thavasree
100w
Read More
കണ്ടുമുട്ടുന്ന മനുഷ്യരത്രയുമോരോ കടലാണ്.
ജീവിക്കുന്ന നാളൊക്കെയും, ഉയർന്നും താഴ്ന്നും കരയോടു മല്ലിട്ടു തിരതല്ലി നീങ്ങുന്നവർ.
ഇവരിലെല്ലാം ഒരു പരൽ
മീനുപോലെ അടുക്കുക.
ആഴങ്ങളിലേക്ക് ഒരിക്കൽ പോലും
എത്തിനോക്കാതെ മുകളിൽ മാത്രം നീന്തുക.
ഒരുപക്ഷേ നിങ്ങൾ ആഴങ്ങളിലേക്ക്
കടന്നു പോവും തോറും
അവരുടെ അടയാളങ്ങൾ ഇങ്ങനെ
ഹൃദയത്തിൽ ആഴ്ന്നിറങ്ങും.
വലിയൊരു തിരയിൽ കരയിലേക്കു
കുതറി വീണ് പോയാൽ എത്രയോ
ആഴങ്ങളിൽ നിന്നുമാവും
നിങ്ങൾ മടങ്ങി വന്നിരിക്കുക...?
ആഴങ്ങളിലേക്ക് വീഴുന്നതിനേക്കാൾ
മുറിവുകൾ, ആഴങ്ങളിൽ നിന്നും
പുറത്തേക്ക് കടക്കുമ്പോഴാണ്!!
അത്കൊണ്ടടയാളങ്ങളെവിടെയും
ബാക്കി വെയ്ക്കാതെ,
സ്നേഹത്തിന്റെ ഓർമ്മകൾ
മാത്രമായി തുടരുക ..
- തവശ്രീആഴങ്ങളിലേക്ക് വീഴുന്നതിനേക്കാൾ
മുറിവുകൾ, ആഴങ്ങളിൽ നിന്നും
പുറത്തേക്ക് കടക്കുമ്പോഴാണ്!!
അത്കൊണ്ടടയാളങ്ങളെവിടെയും
ബാക്കി വെയ്ക്കാതെ,
സ്നേഹത്തിന്റെ ഓർമ്മകൾ
മാത്രമായി തുടരുക ..
- തവശ്രീ
©thavasree -
thavasree
100w
Read More
"ഇലയിൽ വീണ ഒരു മഞ്ഞുതുള്ളിക്കെത്ര ഭാരമുണ്ടെന്നറിയോ"?
'ഇലയിൽ നിന്ന് അടർന്നു പോവാൻ തോന്നാതെ പറ്റിച്ചേർന്നിരിക്കുന്ന ഇഷ്ടങ്ങളുടെ അത്ര ഭാരം ഉണ്ടാവും '.
- തവശ്രീ"ഇലയിൽ വീണ ഒരു മഞ്ഞുതുള്ളിക്കെത്ര ഭാരമുണ്ടെന്നറിയോ"?
'ഇലയിൽ നിന്ന് അടർന്നു പോവാൻ തോന്നാതെ പറ്റിച്ചേർന്നിരിക്കുന്ന ഇഷ്ടങ്ങളുടെ അത്ര ഭാരം ഉണ്ടാവും '.
- തവശ്രീ
©thavasree -
ashishani963
100w
എന്റെ തുടിക്കുന്ന ഹൃദയത്തെ
എന്തിനാണ് നീ നിന്റെ പ്രണയം
കൊണ്ട് വരിഞ്ഞു മുറുക്കിയിരിക്കുന്നത്...
എന്റെ മുഴുവന്‍ ഊര്‍ജ്ജത്തെയും
വാക്കുകളെയും കാഴ്ചകളെയും ഒറ്റ നോക്കുകൊണ്ട്
നീ കീഴ്പെടുത്തിയിരിക്കുന്നത് എന്തിനാണ് ..
നിന്റെ ശാസനകളില്‍ നീ തെളിക്കുന്ന വീഥികളില്‍ നിന്നോടൊപ്പം നടക്കുവാന്‍ എന്നെ ഇത്രയേറെ ഇഷ്ട്ടപെടുത്തുന്നത് എന്തിനാണ് ..
എന്താണ് എന്ന് വിവരിക്കുവാന്‍ ആവാത്ത എന്തോ ഒന്നാണ് നീ... -
featherheart
100w
തീരം കാത്ത്‌
പരിഭവകടലിൽ മുങ്ങിത്താണ പ്രണയങ്ങളിൽ മിടിപ്പുകൾ ബാക്കിയുണ്ടാകും...
ഏതോ തിരയിൽ വീണ്ടും തീരമണയുമെന്നൊരു സ്വപ്നം കടലാഴങ്ങളിൽ കിടന്നു കാണുന്നുണ്ടാകും...
ഒന്നും ചേർത്തു പിടിക്കാനില്ലാതെ മുക്കി താഴ്ത്തുന്ന തിരമാലകളിൽ ഒരു പായ്മരം തിരയുന്നുണ്ടാകും...
ഒരിറ്റു ശ്വാസത്തിനായ് വെമ്പുമ്പോളും കണ്ണുകൾ പരതുന്നുണ്ടാകും....
പ്രാണൻ വെടിഞ്ഞഴുകി തീർന്നാലും അവനെ പ്രണയിക്കുന്നുണ്ടാകും.....
കാത്തിരിക്കുന്നുണ്ടാകും.....
©featherheart
