di_hearted

https://instagram.com/di_hearted?igshid=150kr4w7ghggb

Grid View
List View
Reposts
  • di_hearted 2w

    Dastoor

    Aankh ke badle aankh,
    Dard ke badle dard
    Izzat ke badle izzat,
    Yehi hai dastoor duniya ka
    To mohabbat ke badle,
    Mohabbat kyu nahi?
    ©di_hearted

  • di_hearted 2w

    Aasu

    Aasuon ki ek sabse acchi baat hoti hai,
    Jo baat aap zubaan se keh nahi paate
    Un baaton ko aasu,
    Bina aawaz ke keh dete hain
    ©di_hearted

  • di_hearted 4w

    Such

    Kehte hain log ki,
    Kuch bhi hamesha ke liye nahi hota
    Aaj tere dhoke ne ye baat samjhayi,
    Ki log galat nahi kehte
    ©di_hearted

  • di_hearted 4w

    Zakhm

    Jism pe lage jo zakhm,
    Waqt ne bhar diye saare

    Takleef hui bohot,
    Dekh duniya ke zalim nazare

    Kya kare un nishano ka,
    Jo aatma pe aaj bhi hain hmare

    Kash dawa hoti koi to,
    Jo waqt ke saath mit jata ye dard

    Marham hota koi ek aisa,
    Ki phir na hote ye "hare"

    Zakhm ye kaash,
    Mit paate aatma pe lage humare
    ©di_hearted

  • di_hearted 4w

    First book of mine

    Read More

    ©di_hearted

  • di_hearted 5w

    Galib aur Gulzar

    Dard ko apne humne,
    Kagaz pe utaar diya
    Takleef jab sahi na gayi,
    To kalam ko humsafar bana liya

    Yun to takleef pehle bhi,
    Kam na thi zindagi mein meri
    Par jo tanhaiya mili tujhse saugaat mein,
    To aziat ke har panne ne "shayar" bana diya

    Koi shikwa nahi is baat ka,
    Ki tune wafa nahi ki ishq mein
    Bas chand gum ke lafzon ne,
    "Galib aur Gulzar" ke naam se nawaz diya
    ©di_hearted

  • di_hearted 5w

    Shamiyana

    Khwaabon ka shamiyana ab tutne laga hai,
    Sabar ab hamara dum todne laga hai

    Tanhaiyon ke kaale badal ab dil pe gehrane lage hain,
    Khusiyon ka daman ab chootne laga hai

    Kaali raat wo amavasya ki khatam hi nahi hoti,
    Bebasi se zindagi ka gala ghutne laga hai

    Kaha jayein kisse kahe hum dard apna,
    Begane hain yaha to sabhi

    Wo saathi jise humne humdum samjha,
    Wahi humse ruthne laga hai
    ©di_hearted

  • di_hearted 5w

    Stree

    Beparwah si hasi hai wo,
    Lehrati hui fasal si hai wo

    Gazal hai wo kuch aisi,
    Zindagi mein mishri ghoul deti hai jo

    Kabhi maa to kabhi patni bankar,
    Zindagi ke har mod pe sahara deti hai wo

    Pehchaan jiski duniya pita ya pati se karti hai,
    Khud mein ek bohot badi shakti hai wo

    "Stree" hai wo,
    "Stree" hai wo
    ©di_hearted

  • di_hearted 5w

    Happy women's day

    Wo maan hai, samman hai,
    Wo aan hai, wo shaan hai
    Phir bhi kyun,
    Wo bewajah badnaam hai

    Wo beti hai, wo maa hai,
    Wo behen hai, wo patni hai
    Duniya jisse har kisi ki
    Sajti hai, sawarti hai

    Wo Durga hai, wo Dargah hai,
    Shakti jiski pehchaan hai
    Wo koi aur nahi,
    "Aurat" uska naam hai

  • di_hearted 5w

    Gunah

    Wo cheekhti rahi chillati rahi,
    Krti rahi gum apna bayaan
    Puchti rahi wo zamane se,
    Ki Mera kya tha gunah

    Band darwaazon ke peeche,
    Uske dard ke the nishaan
    Zalim is duniya ne use,
    Taane aur zada diye suna

    Ae upar wale,
    Ajeeb tera insaaf hai
    Jiska gunah itna bada,
    Uska hi chehra saaf hai
    ©di_hearted