ashishani963

ആത്മാവിന്റെ തൂലിക

Grid View
List View
Reposts
  • ashishani963 1d



    ആഗ്രഹങ്ങളിൽ ചിലത്
    ചിതയിൽ
    എരിച്ചു കളയണം.
    ദു:സ്വപ്നങ്ങളായ്
    ഉറക്കം കെടുത്താതിരിക്കാൻ
    ചില ആഗ്രഹങ്ങളെ
    മഷി പടരാത്ത
    കടലാസ്സിൽ
    വരച്ചു ചേർക്കണം...
    ഓർമ്മയുടെ ഇതളുകളാവാൻ

  • ashishani963 1w



    എനിക്ക് ഹൃദയം
    ഇല്ലായിരുന്നു
    എന്ന് നാളെ
    നീ പറയരുത്

    ഹൃദയം മുറിഞ്ഞ
    നോവിന്റെ
    പടവുകളിലെല്ലാം
    നിന്നിലേക്കുള്ള
    വഴികൾ തന്നെയാണ്

    പ്രണയം നിറഞ്ഞാണ്
    വാക്ക് മൗനിയായത്
    ആവേശമാം
    അതിരുകൾ
    ലംഘിച്ചത്

    ഇന്ന് ഓരോ
    വരിയിലും
    നിന്നോടൊപ്പം
    ഞാനലിഞ്ഞ
    വാക്കുകൾ
    നിരത്തെറ്റി
    വഴിയറിയാതെ
    ഉലയുന്നു...

    ഉടഞ്ഞു പോയ
    കണ്ണാടിയായി
    തീർന്നിരിക്കുന്നു
    എന്നിൽ നീ നിന്നെ
    കണ്ടിരുന്ന
    എന്റെ ഹൃദയം...

  • ashishani963 5w

    ഒരിക്കൽ...

    ഒരിക്കൽ ഞാൻ മരണപ്പെടും

    അന്നെന്റെ മരണം നീയറിയുമോ??
    അറിഞ്ഞാൽ തന്നെ
    നീ വരുമോ??

    വന്നാലെന്നെ
    അടുത്ത് നിന്നൊന്നു
    കാണുവാൻ സാധിക്കുമോ??

    കണ്ടാൽ തന്നെ
    എന്നെയൊന്നു തൊടുവാൻ
    നിന്നെ അനുവദിക്കുമോ??

    ഹൃദയം തകർന്ന വേദനയോടെ അകലെ
    നിൽക്കുന്ന നിന്റെ വേദനയുടെ ആഴം
    ആരെങ്കിലും തിരിച്ചറിയുമോ??

    ഇല്ല...
    ഇല്ലായിരിക്കും...

    എന്റെ ശരീരത്തിന്റെ
    അവകാശികൾക്ക് എങ്ങനെ അറിയാം
    ഞാൻ എന്റെ ഹൃദയം
    നിനക്ക് തീറെഴുതി
    തന്ന കാര്യം...

    നീ വരേണ്ട

    ഞാൻ നിന്നിൽ ഒരിക്കലും
    മരണപ്പെടുന്നില്ലല്ലോ
    നീയുള്ള കാലം വരെ
    ഞാനും ജീവിക്കുമല്ലോ

    അല്ലെങ്കിൽ തന്നെ എന്നൊ മരണപെട്ട
    ഞാൻ ഇക്കാലമത്രയും
    നിന്നിലാണല്ലോ
    ജീവിച്ചത്

  • ashishani963 5w



    കണ്ണുകളിലൂടെ
    ആത്മാവിലേക്കെത്തുന്ന
    ഒരു നോട്ടം...
    അതൊന്ന് മാത്രം മതി
    എന്റെ സിരകളിലേക്ക്
    അഗ്നിയുതിർക്കാൻ
    അടിവയറിൽ
    നിന്നുമൊരു
    അഗ്നിഗോളമായി...
    ജന്മാന്തരങ്ങളോളം
    നിന്‍റെ സ്നേഹത്തെ
    എനിക്കോർക്കാൻ...

  • ashishani963 12w



    നിന്നിലെ
    ഞാനില്ലായ്മയും
    എന്നിലെ
    നീയില്ലായ്മയും
    ഭ്രാന്തിന്റെ
    ഓർമ്മപ്പെടുത്തലാണ്
    ©ashi

  • ashishani963 12w

    സമയം

    നിനക്ക് വേണ്ടിയുള്ള
    കാത്തിരിപ്പിൽ
    ഞാൻ ഏറ്റവും
    പിണങ്ങിയിരിക്കുന്നത്
    സമയത്തിനോടാണ്...
    നിമിഷങ്ങളെ
    മണിക്കൂറുകളായും
    മണിക്കൂറുകളെ
    ദിവസങ്ങളായും
    ദിവസങ്ങളെ
    ആഴ്ചകളുമായുമാക്കി
    തീർക്കുന്ന വല്ലാത്തൊരു
    ക്രൂരതയാണിപ്പോൾ
    സമയത്തിന്
    ©ashi

  • ashishani963 12w

    ലോകം

    ഞാനും നീയും
    നമ്മളായി തീർന്ന
    നിമിഷം മുതൽ
    നീ മാത്രമാണെന്റെ
    ലോകം

    അതിൽ നിന്നും
    നീയെന്റെ
    ഓർമ്മകളിലേക്കും
    ഞാൻ നിന്റെ
    മറവിയിലേക്കും
    മാത്രമായി
    തീർന്നാൽ

    ഞാനെന്ന വാക്ക്
    അവസാനിക്കുന്നത്
    അവിടെയായിരിക്കും
    ©ashi

  • ashishani963 12w

    നിന്നോളം

    കണ്ണാ...
    നിന്നോളം വലുതായ
    എന്റെ ലോകം
    നീയില്ലായ്മയിൽ
    ഇനി എന്നോളം
    ചെറുതാവും

    നിന്നോളം
    പ്രിയമേറിയത്
    ഇന്നെനിക്കില്ല
    എന്നോളം
    വെറുക്കപ്പെടുന്നതും...
    ©ashi

  • ashishani963 14w

    ഭ്രാന്ത്

    ഞാനെന്ന ഭ്രാന്തിൽ നീ
    പ്രണയത്താൽ ചുവന്ന
    രസായനത്തിന്റെ
    മധുരം നുണയുമ്പോൾ
    ഞാനെന്റെ തണുത്ത
    ചായക്കോപ്പയിലേക്കു
    കൺപാർത്തിരിപ്പുണ്ടാകും...
    ഇനിയും ഇറ്റുവീഴാതെ ഒരുതുള്ളിയതിൽ
    നിനക്ക് വേണ്ടി കരുതി വെച്ചിട്ടുണ്ടാകും

  • ashishani963 14w



    എന്റെ ഓരോ കുഞ്ഞു കുഞ്ഞു ആഗ്രഹങ്ങളും എന്റെ വാശികളായി കണ്ട് എന്റെ മനസ്സിനെ കുത്തി മുറിവേൽപ്പിക്കുമ്പോൾ ഇല്ലാതാവുന്നത് ഞാൻ തന്നെയാണെന്ന് നീയറിയാതെയാണോ

    മനസ്സും ശരീരവും ഒരുപോലെ
    വേദനയാൽ പുളയുമ്പോൾ
    സാരമില്ല എന്നൊരു വാക്കിൽ അലിഞ്ഞില്ലാതായി പോകുന്നത് എന്റെ എത്ര വലിയ നോവുകളാണെന് പറഞ്ഞിട്ടും
    നിനക്ക് മനസ്സിലാവാതെയാണോ

    നിന്റെ ഓരോ അവഗണനയും എനിക്ക് ഇല്ലാതാക്കിയത് എന്റെ അക്ഷരങ്ങളെ
    മാത്രമല്ല എന്റെ പ്രാണൻ കൂടിയാണെന്ന്
    ഉള്ളുരുകി പറഞ്ഞിട്ടും

    ഹൃദയം നുറുങ്ങി പിടഞ്ഞു തീരുമ്പോൾ
    നിന്റെയൊരു ചേർത്ത് പിടിക്കലിന്
    കൊതിക്കുന്ന എന്റെ നോവുകൾ നീയറിഞ്ഞിട്ടും അറിയാതെ നടിക്കുന്നത്

    നീയൊന്നറിയുക നിന്റെയാ ഒരു വാക്ക്
    ഒരു ചേർത്ത് പിടിക്കൽ അതിൽ എനിക്ക്
    തിരികെ കിട്ടിയിരുന്നത് നഷ്ടപ്പെട്ടു
    പോയികൊണ്ടിരിക്കുന്ന എന്നെ തന്നെയായിരുന്നു എന്ന്
    ©ashi